حامدی کاشمیر ی ہمہ جہت شخصیت کے مالک ہیں۔ وہ بیک وقت افسانہ نگار ، ناول نگار ، شاعر اور تنقید نگار کی حیثیت سے ادبی دنیا میں مشہور ہیں ۔ ان کی فکر میں جدّت اور جذبات میں شدّت ہے ۔ وہ زندگی کی حقیقتوں کا گہرا شعور رکھتے ہیں تاہم وہ تخیل پرست ہیں ۔ ان کے تخیل میں گہرائی اور گیرائی دونوں ہیں جو دیکھا یا محسوس کیا اسے تخیل کی سحرکاری کے لفظ وپیکر میں سمو تے گئے ۔ ان کے کلام میں سوز وگداز اور تخیل پسندی پائی جاتی ہے ۔ ان کا خمیر کشمیری ہے۔زیر نظر کتاب حامد کاشمیری کے ان مقالات کا مجموعہ ہے ، جو انھوں نے مختلف پروگرامس کے لیے، مختلف اوقات میں لکھے تھے۔زیر نظر کتاب میں مندرجہ ذیل مضامین شامل ہیں ، اقبال کی شاعری میں عرفان ذات ،اقبال اور غالب،صوفیانہ فکر کا مطالعہ ،اقبال کے ذہن پر مغرب کا اثر ،اقبال کی شاعری میں تشخص کا مسئلہ ،ابلیس۔۔۔ اقبال اور گوئیے کی نظر میں۔اقبال کی شعری زبان ،اقبال کی ایک غزل ،لالہ صحرا۔۔۔۔ تنقیدی جائزہ ،اقبا ل کی شاعری میں پیکر تراشی اور اقبال اور نیا شعری ذہن۔