علمی تحقیق و تلاش کا خزانہ ہے یہ کتاب ۔اس میں یہ بتایا گیا ہے کہ کس یونیورسٹی میں کس عنوان پر ریسرچ کا کام ہوچکا ہے ۔ اس میں پانچ الگ الگ ابواب ہیں اور ہر باب کو متعدد ذیلی عناوین کے تحت تقسیم کر کے کتاب کے مطالعے کو آسان بنا دیا گیا ہے۔ اس کا پہلا باب " تاریخ زبان و ادب " پر ہے۔ دوسرا "شاعری"پر تیسرا " نثر" چوتھا "شخصیات ادب" اور پانچواں "متفرقات " ہے اور ہر باب کی متعلقہ معلومات کو کامل طور پر سمیٹنے کی کوشش ہوئی ہے ۔ خاص بات یہ ہے کہ اس کتاب کے مطالعہ سے یہ معلوم ہوجاتا ہے کہ کس موضوع پر کہاں مقالات لکھے جا چکے ہیں۔ جس عنوان کوبھی لیا گیا ہے ، اس پرمکمل معلومات فراہم کی گئی ہیں ۔ مثال کے طور پر پہلا باب " تاریخ زبان و ادب" کے تحت یہ تمام معلومات فراہم کی گئی ہیں کہ مقالہ کا عنوان کیا تھا، مصنف ، یونیورسٹی اور نگراں کے نام کیا ہیں۔ اس کے ماسوا حوالہ کا بھی تذکرہ کردیا گیا ہے۔ اسی طرح دیگر ابواب میں بھی ضرورت کی تمام تفاصیل فراہم کر دی گئی ہیں۔ آخر کتاب میں اشاریہ سے مزید تشریحات مل جاتی ہیں۔