زیر نظر کتاب ’جھونکے بہار کے‘ میں روس کے عظیم ناول نگار ایوان ترگنیف کے دو مختصر ناولٹ شامل ہیں۔ اگرچہ اس کتاب کا عنوان ’جھونکے بہار کے‘ کے نام سے ہے لیکن اس میں ان کا شاہکار ناولٹ ’آسیا‘ بھی شامل ہے۔ ’آسیا‘ میں جہاں انہوں نے بدیس میں رہ رہے دو روسی افراد کی درد بھری کہانی سنائی ہے تو وہیں ’جھونکے بہار کے‘ میں ایک نوجوان روسی زمیندار دیمتری سانن کی کہانی کہی ہے جو جرمن شہر فرینکفرٹ کا دورہ کرتے وقت پہلی بار محبت ر بیٹھتا ہے۔ اس ناولٹ کو انتہا درجے کا سوانحی ناول کہا جاتا ہے۔ اپنی عمر کی پانچویں دہائی میں مکمل کیا گیا یہ ناول بلاشبہ ترگنیف کی سب سے شاہکار تخلیقات میں سے ایک ہے۔’آسیا‘ نامی ناولٹ میں اگرچہ انتہائی اعلی کردار نگاری کی گئی ہے لیکن ناول شاید ہی کبھی دستیاب ہو سکا ہے۔ بالاخیر 1961 میں اسے کسی طرح سے روس کے گورنمنٹ پبلشنگ ہاوٴس آف آرٹسٹک لٹریچر نے شائع کیا۔ اردو ترجمے میں مترجم کا نام ندارد ہے لیکن ترجمہ عمدہ اور رواں ہے۔ انگریز ی میں اس ناول کو بالترتیب asya اور the torrents of spring کے نام سے پڑھا جا سکتا ہے۔