"خمخانہ جاوید" لالہ سری رام کا مرتب کردہ تذکرہ ہے۔ یہ تذکرہ اس لئے خاص اہمیت رکھتا ہے کہ اس تذکرے میں اس سے پہلے کے تمام ادبی اور تحقیقی سرمائے کو یکجا کردیا گیا ہے۔ خمخانہ جاوید کی تصنیف کا آغاز ۱۹۹۱ کے قریب ہوا۔ اس کی پہلی جلد ۱۹۰۸ میں، دوسری جلد ۱۹۱۱ میں، تیسری ۱۹۸۷ جبکہ چھوٹھی جلد ۱۹۲۶ میں شائع ہوئی۔ پانچویں جلد زیر تدوین تھی کہ لالہ سری رام کا انتقال ہوگیا۔ ان کی وفات کے بعد اس کلام کو پنڈت برج موہن دتاتریا کیفی نے جاری رکھا۔ چنانچہ اس کی پانچویں جلد پنڈت برج موہن کی ترتیب و تدوین میں ۱۹۴۰ میں شائع ہوئی۔ اس جلد کی اشاعت کے بعد بھی تذکرہ نامکمل رہا، کیونکہ جلد پنجم 'ع' حروف تہجی پر ختم ہوجاتی ہے۔ اس لئے مابقیہ مواد بہت تلاش و جستجو کے بعد خورشید احمد نے جلد ششم کی صورت میں شائع کیا۔ اس طرح یہ ایک ضخیم تذکرہ بن گیا۔ یہ ماضی و حال کے شعرائے اردو کا مکمل تذکرہ ہے، جس کا نام "تذکرہ ہزار داستان" اور تاریخی نام "خمخانہ جاوید" ہے۔ اس تذکرہ کو نولکشور پریس لکھنؤ نے میں شائع کیا تھا۔ زیر نظر جلد اول ہے۔