خمکدہ سرور

ناشر : اعظم اسٹیم پریس، حیدرآباد

زبان : Urdu

موضوعات : شاعری

ذیلی زمرہ جات : مجموعہ

صفحات : 292

معاون : راجہ محمودآباد لائبریری، محمودآباد

For any query/comment related to this ebook, please contact us at haidar.ali@rekhta.org

کتاب: تعارف

منشی درگا سہائے جہاں آبادی کا مکمل کلام بعنوان "خمک سرور" پیش خدمت ہے۔ جس کو قاضی محمد غوث فضا حیدرآبادی نے مرتب کیا ہے۔ اس مجموعے میں شاعر کی تمام نظمیں شامل ہیں۔ سرور کے کلام کی خوبی زبان کی سادگی و سلاست ہے۔ بندشیں درست اور دلکش تشبیہات اور استعارات سے مزئین سرور کا کلام قاری کو متوجہ کرتا ہے۔ سرور کا کلام ان کی شخصیت کا آئینہ ہے۔ جس میں شاعر اپنے ظاہر و باطن کی خوبیوں کے ساتھ جلوہ گر ہے۔

.....مزید پڑھئے

مصنف: تعارف

سرور جہاں آبادی کا نام درگا سہائے تھا ، سرور تخلص کرتے تھے ۔ ان کی ولادت دسمبر 1873 میں جہاں آباد ضلع پیلی بھیت میں ہوئی ۔ ابتدائی تعلیم جہاں آباد کے تحصیلی اسکول میں ہوئی ۔ سید کرامت حسین سے فارسی زبان سیکھی اور انہیں کے اثر سے شعر وشاعری سے شغف پیدا ہوا اور باقاعدہ شاعری کرنے لگے ۔ کچھ عرصے بعد سرور کو انگریزی پڑھنے کا شوق ہوا لہذا ایک پوسٹ ماسٹر سے انگریزی سیکھی اور دوسال بعد انگریزی مڈل امتحان بھی پاس کر لیا ۔ سرور پہلے وحشت تخلص کرتے تھے بعد میں سرور تخلص اختیار کیا ۔

سرور کی ںظمیں اور غزلیں بہت منفرد فضا کی حامل تھیں اس لئے ان کا کلام ’ادیب‘ اور ’مخزن‘ جیسے رسالوں میں تسلسل کے ساتھ شائع ہوتا رہا ۔ سرور نے باقاعدہ طور پر نظم کی صنف میں دلچسپی لی ، نئی نظم کو موضوعاتی اوراسلوبیاتی لحاظ سے ثروت مند بنانے میں ان کا اہم کردار ہے ۔

سرور کی زندگی ایک بڑے المیے سے بھی عبارت رہی ۔ ان کی بیوی اوراکلوتے بیٹے کی موت نے انہیں اندر سے خالی کردیا ، سرور نے اس خالی پن کو بھرنے کیلئے شراب کا سہارا لیا اور بے تحاشہ شراب پینے لگے ۔ یہی کثرت شراب نوشی سرور کی موت کا باعث بنی۔

.....مزید پڑھئے

For any query/comment related to this ebook, please contact us at haidar.ali@rekhta.org