کلیات امتیاز

کتاب: تعارف

اردو ادب میں لطف النسأ امتیاز کے نام کو اس لئے بھی شہرت حاصل ہے کہ وہ شاعرات میں پہلی صاحب دیوان شاعرہ رہی ہیں۔ ڈاکٹر احمد شکیل نے لطف النسأ امتیاز کی شاعری کا زیر نظر کتاب ’کلیات امتیاز‘ میں تنقیدی جائزہ بڑی ہی جانفشانی کے ساتھ کیا ہے۔ انہوں نے واضح کرنے کی کوشش کی ہے کہ محترمہ امتیاز کے کلام میں میر اور سودا سے بھی قبل کی زبان کا شائبہ ملتا ہے۔ امتیاز ایک باکمال اور قادرالکلام غزل گو ہی نہیں بلکہ قصیدہ گوئی کے فن میں بھی یگانہ تھیں۔ ان کے شوہر اسد علی خان تمنا اپنے وقت کے مشہور تذکرہ نگاروں میں تھے اور ان کی وابستگی دربار آصف الدولہ سے تھی۔

.....مزید پڑھئے

مصنف: تعارف

اردو کی پہلی صاحب دیوان شاعرہ لطف النسا امتیاز دکنی زبانی کے مقبول شاعر اسد علی خان تمنا کی بیگم تھیں ۔امتیاز کا دیوان 1212ھ 1797میں مرتب ہوا ۔لطف النسا امتیاز کے دیوان میں جو مثنوی ہے وہی امتیاز کی زندگی کے مختلف گوشوں پر نہایت وضاحت سے روشنی ڈالتی ہے ۔امتیاز اورنگ آباد کے ایک متوسط اور خوشحال گھرانے کی فرد تھیں۔

.....مزید پڑھئے

by لطف النسا امتیاز