کلیات سعید قیس

کتاب: تعارف

سعید قیس کے پانچ اردو شعری مجموعوں کے علاوہ پنجابی کلام پر مشتمل مجموعہ " کھاری متی " منظر عام پر آچکے ہیں ۔ ان کی ادبی خدمات کے اعتراف میں انجمن فروغ ادب بحرین کی جانب سے ۲۰۱۶ میں ایک شاندار جشن منایا گیا تھا اور اسی سال دسمبر میں وہ راہی ملک عدم ہو گئے۔ ان کے زیر نظر اس کلیات میں کل پانچ شعری مجموعے شامل ہیں۔ ان میں " حدیث غم، ہجر کے موسم ، دیوار دور ، محبت روشنی اور عکس پڑتا ہے چاند کا " کے علاوہ غیر مطبوعہ کلام شامل ہے۔ کتاب کی ابتدا میں احمد ندیم قاسمی ، قتیل شفائی ، شہزاد احمد اور عطا ء الحق قاسمی کے تاثرات مصنف کی شاعری کی ندرت اور بلندی کا پیغام دیتے ہیں ۔ کلیات کا پہلا مجموعہ " حدیث غم " ہے ۔ اس میں وہ اپنی انفرادی واردات کو اس طرح پیش کر رہے ہیں کہ پڑھنے والے کو احساس ہوتا ہے کہ شاعر زندگی کے راستوں میں بکھرے ہوئے دکھ اور درد کو بھی زندگی کا انمول تحفہ سمجھ رہے ہیں۔ ہر مجموعے کا ایک انوکھا پیغام ہے جو کلیات کے پڑھنے سے حاصل ہوگا۔

.....مزید پڑھئے

by سعید قیس