زیر تبصرہ کتاب "معاصر تنقیدی رویے" ابوالکلام قاسمی کی تصنیف ہے، جس میں ادبی تنقید کے رویوں اور عملی تنقید کے نظریات پر گفتگو کی گئی ہے، ادبی تنقید کی تعریف اور اس کے دائرۂ کار کو بیان کیا گیا ہے، ادبی تنقید کی نظریاتی بنیادیں واضح طور پر پیش کی گئی ہیں، عالمی ادب کے نمائندہ رجحانات کا تذکرہ کیا گیا ہے، معاصر تنقیدی رویوں پر گفتگو کی گئی ہے، معاصر تنقید کس حد تک کامیاب ہے، اس حقیقت کو آشکار کیا گیا ہے، جدیدیت کے رجحان کی خامیوں کا تذکرہ کیا گیا ہے، جدید اور مابعد جدید تنقید کی گتھی کو سلجھایا گیا ہے، دونوں کے اصول و ضوابط اور معیار کو واضح کیا گیا ہے، نوآبادیاتی فکر کے حوالے سے اہم گفتگو کی گئی ہے، ہئیتی تنقید کے مبادیات کو بیان کیا گیا ہے، حالی، کلیم الدین احمد ، احتشام حسین، آل سرور وغیرہ ناقدین کے تنقیدی معیار اور تنقیدی رویوں پر وقیع گفتگو کی گئی ہے، تانیث کے نظریہ کو واضح کیا گیا ہے، میر کے تنقیدی رویوں پر مدلل انداز میں روشنی ڈالی گئی ہے، کتاب معاصر تنقید کے حوالے سے اہم معلومات فراہم کرتی ہے۔