اردو میں تنقید کے کئی اقسام ہیں لیکن متنی تنقید ان میں سب میں الگ ہے کیونکہ اس کا تعلق صرف تخلیق سے نہیں ہوتا ہے بلکہ جملہ قدیم تحریروں سے ہوتا ہے ۔ کوئی بھی پرانی کتاب اگر آپ کے ہاتھ لگ جاتی ہے تو اس کی اہمیت و افادیت کو آپ کس طرح پرکھیں گے وہ اس کتاب میں آپ کو پڑھنے کو ملے گا۔ اگر آپ ایک ہی کتاب کے کئی نسخوں تک رسائی حاصل کر لیتے ہیں تو آپ کے لیے یہ کتاب معاون ہوگی کہ کیسے آپ مصنف کی لکھی کتاب یا مصنف کی کتاب سے نقل کی ہوئی کتاب تک پہنچ سکتے ہیں ۔ کتابوں میں نفس متن کے سوا بھی کئی چیزیں ہوتی ہیں جیسے حواشی ، تعلیقات ، مہریں ، عرض دیدہ اور تخریج وغیرہ ان سے بھی کتاب کو پہچاننے میں مددملتی ہے ۔ اس کے علاوہ اس کتاب میں قدیم تحریروں کی وضاحتی کتابت بھی ہے جس سے یک گونہ اشکال (قدیم نمونہ ٴتحریر)کی شناخت میں بھی معاون ہوتی ہے ۔ یہ کتاب ریسرچ کے طلبہ کے لیے لازمی ہے اور کئی جامعات میں ریسرچ کے پہلے سال میں داخل نصاب بھی ہے۔ اس سے اندازہ لگایا جاسکتا ہے کہ یہ کتاب کتنی اہمیت کی حامل ہے ۔