زیر تبصرہ کتاب "ماڈرن بلڈپریشر گائیڈ" ڈاکٹر حکیم مجید احمد نادری کی تصنیف ہے۔ اس کتاب میں بلڈپریشر سے متعلق اہم معلومات سپرد تحریر کی گئی ہیں، جو حکماء کو اس مرض کے پہچاننے اور اس کا علاج کرنے میں مددگار ثابت ہونگی۔ بلڈپریشر دیکھنے کا طریقہ بلڈپریشر مشین استعمال کرنے کا طریقہ کتاب میں ذکر کیا گیا ہے۔ شریان اور ورید سے متعلق اہم معلومات پیش کی گی ہیں، ہائی اور لو بلڈ پریشر کا طبی اور ایلوپیتھك علاج بھی ذکر کیا گیا ہے،۔ اس مرض سے بچنے کے لئے کیا تدابیر اختیار کی جاسکتی ہیں، اس جانب بھی بخوبی رہمنائی کی گئی ہے، مرض کی تشخیص کیسے کی جاسکتی ہے، اس پہلو پر واضح گفتگو کی گئی ہے، مختلف رگوں میں خون کا پریشر کتنا ہوتا ہے، اس کو نقشہ کے ذریعے بخوبی سمجھایا گیا ہے، کتاب مہلک مرض بلڈ پریشر اور اس سے بچاؤ کے اہم طریقوں سے واقف کراتی ہے، اس کتاب کا مطالعہ حکماء اور اردو داں طبقہ کے لیے انتہائی کارآمد اور مفید ہے، جس کے ذریعے وہ ایک خطرناک بیماری سے محفوظ ہو سکتے ہیں۔