ملہمات عرفان و تصوف پر محمول کتاب ہے ۔ جمال الدین احمد ہانسوی ، خواجہ فرید الدین گنج شکر کے خلیفہ خاص تھے ۔ آپ کو خطیب اور قطب کے القاب سے جانا جاتا ہے ۔ فرید الدین گنج شکر آپ کو بہت چاہتے تھے کبھی کبھی فرماتے کہ جمال الدین میرا دل چاہتا ہے کہ تیرا طواف کروں ۔ ان کا گنج شکر کے کے یہاں یہ رتبہ تھا کہ وہ جب بھی کسی کو خلافت نامہ تحریر کر کے دیتے تو اسے پہلے جمال الدین کے پاس بھیجتے اگر وہ منظور فرما کر دستخط فرما دیتے تو اس کی خلافت کو منظور کیا جاتا تھا۔ گنج شکر فرماتے تھے کہ جس کا خلافت نامہ جمال الدین نے پھاڑ دیا ہے فرید اس کو نہیں سی سکتا ۔ جمال الدین ہانسوی نے ایک رسالہ عربی زبان میں تحریر فرمایا ہے نہایت ہی خوبصورت زبان میں ہے اور خود انہیں بھی اس رسالہ کی عبارت مرغوب تھی جس کا نام ملہمات / ملحمات ہے۔ وہ رسالہ چونکہ عربی زبان میں ہے اس لئے اس کے عربی متن کے نیچے اردو ترجمہ بھی پیش کردیا گیا ہے۔