امجدحیدر آبادی نے اپنی پہچان اردو دنیا میں بحیثیت رباعی گو کے بنائی ،ان کے کلام کی انفرادیت کی وجہ سے ان کو سر مد ثانی اور شنہشاہِ رباعیات کے خطابات سے نوازا گیا۔ امجد کی رباعیات قرآن و حدیث کی ترجمانی کرتی ہیں۔ امجد نے خدائی احکام اور اللہ کے رسول کی سیرت وکردار کو اپنی رباعیات میں پیش کیا ہے ان کی فکر،اسلامی فکر تھی،ان کی شاعری میں درد،تڑپ اورایک پیغام نظر آتا ہے۔ امجد کی شاعری مقصدیت پر مبنی شاعری ہے۔ امجد کی زبان عام فہم اور فکرپختہ ہے۔ ان کے کلام میں اخلاقی میلانات پائے جاتے ہیں۔ انھوں نے اپنی شاعری میں صالح اقدار کو بیان کیا ہے وہ ایک تعمیر ادب اور صالح ادب کے نقیب ہیں ،انہوں نے شاعری وقت گزاری یا تفریح کیلئے نہیں کی بلکہ انسانیت کو اس کابھولا ہوا سبق یا دلایا ہے۔ ان کی یہ رباعیاں دیکھیں جس میں بڑی سلیقگی کے ساتھ مندرجہ بالا چیزوں کا تذکرہ کیاگیا ہے۔ ان کے شعری سرمایہ میں رباعیات امجد کے نام سے کئی حصے شائع ہوئے۔ زیر نظر کتاب حصہ اول ہے۔