شعراء و شعریات

کتاب: تعارف

زیر نظر کتاب کے مصنف جلیل قدوائی ہیں۔ اسے انہوں نے راس مسعود سوسائٹی کی مطبوعات کے تحت شائع کیا۔ اس کتاب کے دو حصے ہیں جس میں اول غزل گو شاعروں کے لیے مختص ہے جبکہ دوسرا حصہ شعریات کا جائزہ لیتا ہے۔ غزل کے حصے میں انہوں نے احمد رضا خان، عزیز صفی پوری، حسرت موہانی، فانی، بے نظیر شاہ، سیماب، شاد عظیم آبادی، افسر امروہوی، نذر سجاد حیدر، انور حارث، صفدر حسین، احمر رفاعی اور ابو الطیب متنبی کا ذکر کیا ہے جب کہ شعریات والے حصے میں انہوں نے نعتیہ کلام کا جائزہ، اقبال سے ہماری مغائرت، غلط نامۂ فراق گورکھپوری، اہل نقد کی بے خبری الحاقی کلام غالب کی داستان اور لکھنوی شاعری کا روشن پہلو وغیرہ جیسے موضوعات پر گفتگو کی ہے۔

.....مزید پڑھئے

مصنف: تعارف

جلیل قدوائی 16 مارچ 1904 کو اناؤ (اودھ) میں پیدا ہوئے ۔ علیگڑھ اور الہ آباد یونیورسٹی سے تعلیم حاصل کرنے کے بعد علیگڑھ مسلم یونیورسٹی کے شعبۂ اردو میں لکچرر مقرر ہوئے۔ حکومت ہند کے محکمۂ اطلاعات ونشریات میں اسسٹنٹ انفارمیشن آفیسر کے عہدے پر بھی فائز رہے۔ تقسیم کے بعد پاکستان چلے گئے اور وزارت اطلاعات ونشریات میں کئی اعلی عہدوں پر اپنی خدمات انجام دیں۔

جلیل قدوائی نے شاعری کے ساتھ افسانے ، تبصرے اور تنقیدی مضامین بھی لکھے اور کئی شعرا کا کلام مرتب کیا۔ ان کی تصانیف کے نام یہ ہیں : نقش ونگار، نوائے سینہ تاب ، خاکستر پروانہ ، قطرات شبنم، (شعری مجموعے) سیر گل ، اصنام خیالی،(افسانوی مجموعے) دیوان میر محمد بیدار ، انتخاب شعرائے بدنام ، کلام غالب نسخۂ قدوائی (مرتب) تذکرے اور تبصرے (تنقید) - یکم فروری 1996 میں اسلام آباد میں انتقال ہوا۔

.....مزید پڑھئے

by جلیل قدوائی