یہ کتاب کل پچیس ابواب پر مشتمل ہے اور ہر باب میں کچھ محیر العقول خواب اور اس کی تعبیر بتائی گئی ہے ۔ صاحب کتاب تاریخ اسلام کے مشہور تعبیر بتانے والے ولی اللہ کی عربی زبان میں کتاب " تعبیر الرویا " کا اردو ترجمہ ہے۔ اس کے ہر صفحہ پر متن کے سامنے اردو ترجمہ دے کر مشمولات کو سمجھنا آسان بنا دیا گیا ہے۔ خواب کی تعبیرکے کچھ اصول و ضوابط ہیں ،ان اصولوں کی روشنی میں خواب کی تعبیر کا اصل مطلب سامنے آتا ہے۔ زیر نظر کتاب میں انہی اصول و ضوابط کو بتایا گیا ہے۔ نیز یہ بھی بتایا گیا ہے کہ کب ،کس وقت اور کیا دیکھنے کی تعبیر خوش آئند اور خوش بختی کی علامت ہوتی ہے ۔ کون سے خواب بظاہر خوش کن مگر تعبیراً مصیبتوں کو دعوت دینے والا اور کس طرح کے خواب بظاہر پریشان کن مگر اس کا مطلب نیک بختی پر منتج ہوتا ہے۔ یہاں تک کہ اگر کوئی اپنے خواب میں اللہ کو دیکھ لے تو اس کا مطلب کیا ہوتا ہے ۔ ایسے ہی نادر پیچیدہ خوابوں کی تعبیر کو اس کتاب میں بتایا گیا ہے۔