tareekh-e-baghawat-e-hind atthara sau sattawan

About The Book

1857 کی جنگ آزادی غلاموں کے لئے یقینی طور پر ایک محاربہ عظیم اور جہاد اکبر تھی مگر حکمران طبقہ کی طرف سے اگر دیکھا جائے تو یہ جنگ ایک بغاوت محض تھی جس میں ہندوستانیوں نے بغاوت کر دی تھی۔ اس کتاب میں اس بغاوت کے تمام مقامات کی نشان دہی کی گئی ہے اور اس سے یہ بات بتانے کی بھی کوشش کی گئی ہے کہ یہ بغاوت نہیں بلکہ ہندوستانیوں کا فریضہ تھا۔ اس کتاب میں اٹھارہ سو ستاون کی جنگ کی بہت ساری تفصیلات درج کی گئی ہیں۔ بڑے شہروں اور ہندوستان کے اہم فوجی مراکز میں اس وقت کیا صورت حال تھی یہ بات تو بہت سی کتابوں میں درج ہے لیکن اس کتاب میں چھوٹی چھوٹی اور غیر معروف بستیوں جہاں لوگ فرنگی حکومت کے خلاف اٹھ کھڑے ہوئے تھے، ان غیر معروف بستیوں کا ذکر بھی کیا گیا ہے۔ اس طرح یہ کتاب دوسری کتابوں سے قدرے مختلف اور اہم ہوجاتی ہے۔ اس کتاب کی مقبولیت کے پیش نظر کئی ایڈیشن آئے، اور کئی لوگوں نے اپنے مقدمہ کے ساتھ مرتب بھی کیا ہے۔

by Kanhaiyya Lal