غزل اردو شاعری کے ہر دبستان میں مقبول عام صنف رہی ہے،غزل کا فن جن عناصر سے تشکیل پاتا ہے ان میں تکنیک، ہئیت اور وزن کو بنیادی حیثیت حاصل ہے ، زیر نظر کتاب در اصل پی ایچ ڈی کے لئے لکھا ہوا تحقیقی مقالہ ہے، اس مقالہ کو مصنف نے چھ ابواب میں تقسیم کیاہے، پہلا باب میں تکنیک، ہیئت اور عروض پر مشتمل ہے، دوسرے باب میں حالی سے پہلے کی غزل کا فنی مطالعہ پیش کیا گیاہے، تیسرے باب میں حالی سے اقبال تک کی غزل کا مطالعہ پیش کیا گیا ہے، چوتھے باب میں جدید غزل کا فنی مطالعہ پیش کیا گیاہے، پانچویں باب میں جدید غزل کے ہیئتی، تکنیکی اور عروضی مطلعہ پیش کیا گیا ہے، اور چھٹے باب میں مستقبل میں غزل کے امکانات کا جائزہ لیا گیا ہے ۔غزل کی بدلتی ہئیت ، تکنیک اور وزن کو مقالہ کا مرکزی خیال بنا یا گیاہے۔ جس میں شعراء کے کلام کو عہد بہ عہد تبدیلیوں کا احاطہ کرنے کےساتھ ساتھ ان کی معنویت کو بھی ترتیب کے ساتھ پیش کیا ہے۔ جو غزل کی تبدیلیوں کو سمجھنے میں معاون ہیں ۔