یہ کتاب پی ایچ ڈی کی ڈگری کے لئے لکھے گئے مقالے پر مشتمل ہے۔ مصنف اردو عربی کے لکچرر تھے اور آزاد انٹر کالج بہرائچ سے منسلک رہے۔ ان کی یہ کتاب اردو حروف اور اصوات کی آفاقیت سے بحث کرتی ہے۔ پانچ حصوں پر مشتمل ہے ۔ پہلے حصے میں اردو کی آفاقیت پر بات ہوئی ہے۔ اس میں دو ابواب ہیں ۔ پہلے باب میں آٹھ فصلیں اور دوسرے باب میں چھ فصلیں ہیں۔ دوسرے حصے میں اردو الفاظ اور دیگر زبانوں پر بحث کی گئی ہے۔ اس میں دو ابواب ہیں ۔ پہلے باب میں چار فصلیں اور دوسرے باب میں دو فصلیں ہیں۔ تیسرے حصے میں دنیا کی زبانوں میں اردو کا مقام بتایا گیا ہے۔ اس میں دو ابواب ہیں ۔ پہلے باب میں گیارہ فصلیں ہیں اور دوسرے باب میں دو فصلیں ہیں ۔ اس کے چوتھے حصے میں اردو ادب اور اقوام عالم کے بارے میں بتایا گیا ہے۔ اس میں دو ابواب ہیں ۔ پہلے باب میں آٹھ فصلیں اور دوسرے باب میں خیالات، اعتقادات ، معمولات ، تعلقات کی روشنی میں اردو تہذیب و کلچر کے محاسن پیش کئے گئے ہیں۔ کتاب کا آخری اور پانچواں حصہ لسانیاتی جائزے پر مبنی ہے۔ اس میں آٹھ ابواب ہیں۔ ہر باب ایک ٹھوس اور پُرمغز مقالہ کی حیثیت رکھتا ہے۔ یقیناً اس کتاب کا مطالعہ کرلینے والا ماہر لسانیات نہیں تو ایک اچھا اور باذوق ریڈر تو بن ہی جائے گا۔