زیر تبصرہ کتاب چھٹی جماعت کے بچوں کے لیے لکھی گئی ہے۔ بہت سے اسکولوں کے نصاب میں یہ کتاب شامل ہے۔ بچوں کے جسمانی اور نفسیاتی بلوغت کا خیال رکھتے ہوۓ کتاب میں ایسے اسباق شامل کیے گئے ہیں جن کو پڑھ کر بچے اعلیٰ اقدار سیکھیں اور اپنے کردار کو مثبت طریقے سے سنوار سکیں۔ یہ کتاب میں کل 35 ابواب پر مشتمل ہے۔ کتاب کا پہلا سبق داغ کی ایک حمد ہے۔حمد کے بعد کتاب میں بچوں کے لیے مضامین جیسے "شہد کی مکھی", "تم کیا بنوگے", گرمی کا موسم" وغیرہ شامل کیے گئے ہیں۔ علاوہ ازیں کجھ کہانیاں بھی شامل کی گئی ہیں مثلاً "ابو خان کی بکری", "گزرا ہوا زمانہ", وغیرہ اور ساتھ ہی "شفق", "خدا کے جلوے", "پرندے کی فریاد", " چاند اور تارے" , "میرا دیس", "خضر کا کام کروں", "عروس بہار", "ریل" وغیرہ جیسی نظمیں بھی شامل کی گئی ہیں۔ اس کتاب کا آخری سبق "ہماری زبان" ہے۔ بچوں کی نفسیات کو مد نظر رکھتے ہوئے اردو زبان کے تعلق سے یہ ایک کارآمد مضمون ہے جو اس کتاب میں شامل کر لیا گیا ہے۔ غالب کی ایک غزل بھی اس کتاب میں شامل ہے۔