ye iltijā duā ye tamannā fuzūl hai

sūkhī nadī ke paas samundar na jā.egā

ye iltija dua ye tamanna fuzul hai

sukhi nadi ke pas samundar na jaega

ab diloñ meñ koī gunjā.ish nahīñ miltī 'hayāt'

bas kitāboñ meñ likkhā harf-e-vafā rah jā.egā

ab dilon mein koi gunjaish nahin milti 'hayat'

bas kitabon mein likkha harf-e-wafa rah jaega

ḳhudā ke vāste mohr-e-sukūt toḌ bhī de

tamām shahr tirī guftugū kā pyāsā hai

KHuda ke waste mohr-e-sukut toD bhi de

tamam shahr teri guftugu ka pyasa hai

chehre ko tere dekh ke ḳhāmosh ho gayā

aisā nahīñ savāl tirā lā-javāb thā

chehre ko tere dekh ke KHamosh ho gaya

aisa nahin sawal tera la-jawab tha

silsila ḳhvāboñ kā sab yūñhī dharā rah jā.egā

ek din bistar pe koī jāgtā rah jā.egā

silsila KHwabon ka sab yunhi dhara rah jaega

ek din bistar pe koi jagta rah jaega