شاہ ولی اللہ جنیدی: پاکستان کے صحافی ،مصنف،محقق، شاعر ، یہ شارع عام نہیں ، نارتھ کراچی نصف صدی کا قصہ ، شہری حوالے سے کئی کتابوں کے مصنف ہیں ۔

پیدائش؛ 8 جنوری 1966 کراچی پاکستان

پیشہ : مصنف صحافی

زبان : اردو

قومیت: پاکستانی

تعلیم بیچلر آف آرٹس

مادر علمی :  گورنمنٹ بوائز سیکنڈری اسکول نمبر 2 پی ای سی ایچ ایس، ایس ایم سائنس  کالج، یونیورسٹی آف کراچی

شاہ ولی اللہ جنیدی ایک سرگرم اور تجربہ کار صحافی ہونے کے ساتھ ساتھ کراچی شہر کے موضوع پر ایک مستند محقق اور مولف بھی ہیں۔

روزمرہ رپورٹنگ کے دوران وہ شہری مسائل کی رپورٹنگ کے ساتھ ساتھ اس مقام کے قیام کے پس منظر اور تاریخ کی گہرائیوں میں اتر کر کرید کرید کر معلومات اکٹھی کرتے ہیں اور پھر اسے شائقین کے لئے کتابی شکل میں پیش کر دیتے ہیں یہ شارع عام نہیں، شہر کراچی سے متعلق ان کی دوسری تحقیقی کتاب ہے ۔ اس کتاب میں شہر کی اہم اور قدیم شاہراہوں کو تحقیق کا موضوع بنایا گیا ہے انھوں نے کتاب میں  کراچی کی جدید و قدیم سڑکوں کا تاریخی احوال بیان کیا گیا ہے ۔ یہ کتاب کراچی کی قدیم و جدید تاریخ کے حوالے سے اہمیت کی حامل ہے۔ کتاب میں تقریباً پونے دو سو سال کے دوران شہر میں جو سڑکیں تعمیر کی گئی ہیں اور جن معروف افراد سے انہیں منسوب کیا گیا ہے ان کی تفصیلات درج کی گئی ہیں۔ اس کے علاوہ ان سڑکوں کے اطراف کی تاریخی عمارتیں اور مقیم رہنے والی شخصیات اور پیش آنے والے اہم واقعات بھی تحریر ہیں۔ معروف محقق خواجہ رضی حیدر کے مطابق یہ اپنی نوعیت کی کراچی کی پہلی جزوی تاریخ ساز کتاب ہے