آخری گیت محبت کا سنا لوں تو چلوں

آخری گیت محبت کا سنا لوں تو چلوں

میں چلا جاؤں گا دو اشک بہا لوں تو چلوں

آج وہ دن ہے کے تو نے مجھے ٹھکرایا ہے

اپنا انجام ان آنکھوں کو نظر آیا ہے

وحشت دل میں ذرا ہوش میں آ لوں تو چلوں

آج میں غیر ہوں کچھ دن ہوئے میں غیر نہ تھا

میری چاہت مری الفت سے تجھے بیر نہ تھا

میں ہوں اب غیر یقیں دل کو دلا لوں تو چلوں

تیری دنیا سے میں اک روز چلا جاؤں گا

اور گئے وقت کی مانند نہیں آؤں گا

پھر نہ آنے کی قسم آج میں کھا لوں تو چلوں