کبھی پلکوں پہ آنسو ہیں

کبھی پلکوں پہ آنسو ہیں

کبھی لب پہ شکایت ہے

مگر اے زندگی پھر بھی

مجھے تجھ سے محبت ہے

جو آتا ہے وہ جاتا ہے

یہ دنیا آنی جانی ہے

یہاں ہر شے مسافر ہے

سفر میں زندگانی ہے

اجالوں کی ضرورت ہے

اندھیرا میری قسمت ہے

ذرا اے زندگی دم لے

ترا دیدار تو کر لوں

کبھی دیکھا نہیں جس کو

اسے میں پیار تو کر لوں

ابھی سے چھوڑ کے مت جا

ابھی تیری ضرورت ہے

کوئی انجان سا چہرہ

ابھرتا ہے فضاؤں میں

یہ کس کی آہٹیں جاگی

مری خاموش راہوں میں

ابھی اے موت مت آنا

مرا ویرانہ جنت ہے