تیرے پاس آ کے مرا وقت گزر جاتا ہے

تیرے پاس آ کے مرا وقت گزر جاتا ہے

دو گھڑی کے لیے غم جانے کدھر جاتا ہے

جب کبھی دور سے تو مجھ کو نظر آتا ہے

پیار ہنس کر مری آنکھوں میں سنور جاتا ہے

تیرے پاس آ کے

تو وہی ہے جسے اس دل نے صدائیں دی ہیں

تو وہی ہے جسے نظروں نے دعائیں دی ہیں

تو وہی ہے کہ جو دل لے کے مکر جاتا ہے

جام اتنے تری مستی بھری آنکھوں سے پیے

بے خودی میں تجھے سجدے مری نظروں نے کئے

تیرے جلوؤں میں خدا مجھ کو نظر آتا ہے

تیری یاد آتے ہی گھبرا کے چلی آتی ہوں

میں ہر اک قید کو ٹھکرا کے چلی آتی ہوں

میں نہیں آتی مجھے پیار ادھر لاتا ہے