babul ki duaen leti ja ja tujhko sukhi sansar mile

bābul kī duā.eñ letī jā jā tujh ko sukhī sansār mile

maike kī kabhī na yaad aa.e sasurāl meñ itnā pyaar mile

nāzoñ se tujhe paalā maiñ ne kaliyoñ kī tarah phūloñ kī tarah

bachpan meñ jhulāyā hai tujh ko bāñhoñ ne mirī jhūloñ kī tarah

mire baaġh kī ai nāzuk Daalī tujhe har pal na.ī bahār mile

jis ghar meñ bañdhe haiñ bhaag tire us ghar meñ sadā tirā raaj rahe

hoñToñ pe hañsī kī dhuup khile māthe pe ḳhushī kā taaj rahe

kabhī jis kī jot na ho phīkī tujhe aisā rūp-siñghār mile

bīteñ tire jīvan kī ghaḌiyāñ ārām kī ThanDī chhāñv meñ

kāñTā bhī na chubhne paa.e kabhī mirī lāDlī tire paañv meñ

us dvaar se bhī dukh duur rahe jis dvaar se terā dvaar mile

babul ki duaen leti ja ja tujh ko sukhi sansar mile

maike ki kabhi na yaad aae sasural mein itna pyar mile

nazon se tujhe pala main ne kaliyon ki tarah phulon ki tarah

bachpan mein jhulaya hai tujh ko banhon ne meri jhulon ki tarah

mere bagh ki ai nazuk Dali tujhe har pal nai bahaar mile

jis ghar mein bandhe hain bhag tere us ghar mein sada tera raj rahe

honTon pe hansi ki dhup khile mathe pe KHushi ka taj rahe

kabhi jis ki jot na ho phiki tujhe aisa rup-singhaar mile

biten tere jiwan ki ghaDiyan aaram ki ThanDi chhanw mein

kanTa bhi na chubhne pae kabhi meri laDli tere panw mein

us dwar se bhi dukh dur rahe jis dwar se tera dwar mile