jawani ke naghme hawaon ne gae magar tum na aae

javānī ke naġhme havāoñ ne gaay magar tum na aa.e

mahakne lage merī zulfoñ ke saa.e magar tum na aa.e

sunūñ apnī sāñsoñ meñ aahaT tumhārī

kahāñ jā chhupī muskurāhaT tumhārī

khaḌī huuñ maiñ palkoñ kī chilman uThā.e

magar tum na aa.e

har ik Tiis dil kī sadā ban ga.ī hai

nazar haar kar iltijā ban ga.ī hai

umīdoñ ke lākhoñ diye jhilmilā.e

magar tum na aa.e

kabhī le liyā shām-e-ġham kā sahārā

kabhī ro diye naam le kar tumhārā

kabhī ham ne rāhoñ meñ sajde bichhā.e

magar tum na aa.e

jawani ke naghme hawaon ne gay magar tum na aae

mahakne lage meri zulfon ke sae magar tum na aae

sunun apni sanson mein aahaT tumhaari

kahan ja chhupi muskurahaT tumhaari

khaDi hun main palkon ki chilman uThae

magar tum na aae

har ek Tis dil ki sada ban gai hai

nazar haar kar iltija ban gai hai

umidon ke lakhon diye jhilmilae

magar tum na aae

kabhi le liya sham-e-gham ka sahaara

kabhi ro diye nam le kar tumhaara

kabhi hum ne rahon mein sajde bichhae

magar tum na aae