mahfil se uTh jaane walo tum logon par kya ilzam

mahfil se uTh jaane vaalo tum logoñ par kyā ilzām

tum ābād gharoñ ke baasī maiñ āvāra aur badnām

mere sāthī ḳhālī jaam

do din tum ne pyaar jatāyā do din tum se mel rahā

achchhā ḳhāsā vaqt kaTā aur achchhā ḳhāsā khel rahā

ab us khel kā zikr hī kyā ki vaqt kaTā aur khel tamām

mere sāthī ḳhālī jaam

tum ne DhūñDī sukh kī daulat maiñ ne paalā ġham kā rog

kaise bantā kaise nibhtā ye rishta aur ye sanjog

maiñ ne dil ko dil se tolā tum ne māñge pyaar ke daam

mere sāthī ḳhālī jaam

tum duniyā ko behtar samjhe maiñ pāgal thā ḳhvār huā

tum ko apnāne niklā thā ḳhud se bhī bezār huā

dekh liyā ghar-phūñk tamāshā jaan liyā maiñ ne anjām

mere sāthī ḳhālī jaam

mahfil se uTh jaane walo tum logon par kya ilzam

tum aabaad gharon ke basi main aawara aur badnam

mere sathi KHali jam

do din tum ne pyar jataya do din tum se mel raha

achchha KHasa waqt kaTa aur achchha KHasa khel raha

ab us khel ka zikr hi kya ki waqt kaTa aur khel tamam

mere sathi KHali jam

tum ne DhunDi sukh ki daulat main ne pala gham ka rog

kaise banta kaise nibhta ye rishta aur ye sanjog

main ne dil ko dil se tola tum ne mange pyar ke dam

mere sathi KHali jam

tum duniya ko behtar samjhe main pagal tha KHwar hua

tum ko apnane nikla tha KHud se bhi bezar hua

dekh liya ghar-phunk tamasha jaan liya main ne anjam

mere sathi KHali jam