sab mein shamil ho magar sab se juda lagti ho

sab meñ shāmil ho magar sab se judā lagtī ho

sirf ham se nahīñ ḳhud se bhī judā lagtī ho

aañkh uThtī hai na jhuktī hai kisī kī ḳhātir

saañs chaḌhtī hai na ruktī hai kisī kī ḳhātir

jo kisī dar pe na Thahre vo havā lagtī ho

zulf lahrā.e to āñchal meñ chhupā letī ho

hoñT tharrā.e to dāñtoñ meñ dabā letī ho

jo kabhī khul ke na barse vo ghaTā lagtī ho

jaagī jaagī nazar aatī ho na soī soī

tum jo ho apne ḳhayālāt meñ khoī huī

kisī māyūs musavvir kī duā lagtī ho

sab mein shamil ho magar sab se juda lagti ho

sirf hum se nahin KHud se bhi juda lagti ho

aankh uThti hai na jhukti hai kisi ki KHatir

sans chaDhti hai na rukti hai kisi ki KHatir

jo kisi dar pe na Thahre wo hawa lagti ho

zulf lahrae to aanchal mein chhupa leti ho

honT tharrae to danton mein daba leti ho

jo kabhi khul ke na barse wo ghaTa lagti ho

jagi jagi nazar aati ho na soi soi

tum jo ho apne KHayalat mein khoi hui

kisi mayus musawwir ki dua lagti ho