tum agar sath dene ka wada karo

tum agar saath dene kā va.ada karo

maiñ yūñhī mast naġhme luTātā rahūñ

tum mujhe dekh kar muskurātī raho

maiñ tumheñ dekh kar giit gaatā rahūñ

kitne jalve fazāoñ meñ bikhre magar

maiñ ne ab tak kisī ko pukārā nahīñ

tum ko dekhā to nazreñ ye kahne lagīñ

ham ko chehre se haTnā gavārā nahīñ

tum agar merī nazroñ ke aage raho

maiñ har ik shai se nazreñ churātā rahūñ

maiñ ne ḳhvāboñ meñ barsoñ tarāshā jise

tum vahī sañg-e-marmar kī tasvīr ho

tum na samjho tumhārā muqaddar huuñ maiñ

maiñ samajhtā huuñ tum merī taqdīr ho

tum agar mujh ko apnā samajhne lago

maiñ bahāroñ kī mahfil sajātā rahūñ

tum agar sath dene ka wada karo

main yunhi mast naghme luTata rahun

tum mujhe dekh kar muskuraati raho

main tumhein dekh kar git gata rahun

kitne jalwe fazaon mein bikhre magar

main ne ab tak kisi ko pukara nahin

tum ko dekha to nazren ye kahne lagin

hum ko chehre se haTna gawara nahin

tum agar meri nazron ke aage raho

main har ek shai se nazren churaata rahun

main ne KHwabon mein barson tarasha jise

tum wahi sang-e-marmar ki taswir ho

tum na samjho tumhaara muqaddar hun main

main samajhta hun tum meri taqdir ho

tum agar mujh ko apna samajhne lago

main bahaaron ki mahfil sajata rahun