ye desh hai wir jawanon ka

ye desh hai viir javānoñ kā

albeloñ kā mastānoñ kā

is desh kā yaaro kyā kahnā

ye desh hai duniyā kā gahnā

yahāñ chauḌī chhātī vīroñ kī

yahāñ gorī shakleñ hīroñ kī

yahāñ gaate haiñ rāñjhe mastī meñ

machtī haiñ dhūmeñ bastī meñ

peḌoñ pe bahāreñ jhūloñ kī

rāhoñ meñ qatāreñ phūloñ kī

yahāñ hañstā hai sāvan bāloñ meñ

khiltī haiñ kaliyāñ gāloñ meñ

kahīñ dañggal shoḳh javānoñ ke

kahīñ kartab tiir kamānoñ ke

yahāñ nit nit mele sajte haiñ

nit Dhol aur tāshe bajte haiñ

dilbar ke liye dildār haiñ ham

dushman ke liye talvār haiñ ham

maidāñ meñ agar ham DaT jaa.eñ

mushkil hai ki pīchhe haT jaa.eñ

ye desh hai wir jawanon ka

albelon ka mastanon ka

is desh ka yaro kya kahna

ye desh hai duniya ka gahna

yahan chauDi chhati wiron ki

yahan gori shaklen hiron ki

yahan gate hain ranjhe masti mein

machti hain dhumen basti mein

peDon pe bahaaren jhulon ki

rahon mein qataren phulon ki

yahan hansta hai sawan baalon mein

khilti hain kaliyan galon mein

kahin danggal shoKH jawanon ke

kahin kartab tir kamanon ke

yahan nit nit mele sajte hain

nit Dhol aur tashe bajte hain

dilbar ke liye dildar hain hum

dushman ke liye talwar hain hum

maidan mein agar hum DaT jaen

mushkil hai ki pichhe haT jaen