dil-e-betab ko bahlane chale aae hain

dil-e-betāb ko bahlāne chale aa.e haiñ

ham sar-e-shām hī mai-ḳhāne chale aa.e haiñ

dil ne mushkil se farāmosh kiyā thā jin ko

lab pe phir aaj vo afsāne chale aa.e haiñ

be-bulā.e to yahāñ riñd na aate saaqī

yaad farmāyā hai sahbā ne chale aa.e haiñ

rāh-e-mai-ḳhāna se ġhaflat meñ guzar hī jaate

dekh kar raqs meñ paimāne chale aa.e haiñ

aaj piine kā irāda to nahīñ thā lekin

bātoñ bātoñ hī meñ mai-ḳhāne chale aa.e haiñ

dil-e-betab ko bahlane chale aae hain

hum sar-e-sham hi mai-KHane chale aae hain

dil ne mushkil se faramosh kiya tha jin ko

lab pe phir aaj wo afsane chale aae hain

be-bulae to yahan rind na aate saqi

yaad farmaya hai sahba ne chale aae hain

rah-e-mai-KHana se ghaflat mein guzar hi jate

dekh kar raqs mein paimane chale aae hain

aaj pine ka irada to nahin tha lekin

baaton baaton hi mein mai-KHane chale aae hain