aap meri tabiat se waqif nahin mujhko be-ja takalluf ki aadat nahin

aap merī tabī.at se vāqif nahīñ mujh ko be-jā takalluf kī aadat nahīñ

mujh ko pursish kī pahle bhī ḳhvāhish na thī aur pursish kī ab bhī zarūrat nahīñ

yuuñ sar-e-rāh bhī pursish-e-hāl kī is zamāne meñ fursat kisī ko kahāñ

aap se ye mulāqāt rasmī sahī itnī zahmat bhī kuchh kam ināyat nahīñ

aap is darja afsurda-ḳhātir hoñ aap koī asar apne dil par na leñ

maiñ ne jo kuchh kahā ik fasāna kahā aur fasāne kī koī haqīqat nahīñ

aisī mahfil meñ shirkat se kyā fā.eda aise logoñ se koī tavaqqo.a bhī kyā

jo kahā jaa.e ḳhāmosh sunte raho lab-kushā.ī kī qat.an ijāzat nahīñ

nukta-chīnī to fitrat hai insān kī kis kā shikva kareñ kis ko ilzām deñ

ḳhud hamīñ kaun se pārsāoñ meñ haiñ ham ko duniyā se koī shikāyat nahīñ

mujh ko ma.alūm hai aap majbūr haiñ aap mere liye muft rusvā na hoñ

aise hālāt meñ be-ruḳhī Thiik hai mujh ko is baat par koī hairat nahīñ

kuchh ye 'iqbāl' hī par nahīñ munhasir sargirānī musallat hai māhaul par

aql-o-dānish ke baḌhte hue bojh se sar uThāne kī duniyā ko fursat nahīñ

aap meri tabiat se waqif nahin mujh ko be-ja takalluf ki aadat nahin

mujh ko pursish ki pahle bhi KHwahish na thi aur pursish ki ab bhi zarurat nahin

yun sar-e-rah bhi pursish-e-haal ki is zamane mein fursat kisi ko kahan

aap se ye mulaqat rasmi sahi itni zahmat bhi kuchh kam inayat nahin

aap is darja afsurda-KHatir hon aap koi asar apne dil par na len

main ne jo kuchh kaha ek fasana kaha aur fasane ki koi haqiqat nahin

aisi mahfil mein shirkat se kya faeda aise logon se koi tawaqqoa bhi kya

jo kaha jae KHamosh sunte raho lab-kushai ki qatan ijazat nahin

nukta-chini to fitrat hai insan ki kis ka shikwa karen kis ko ilzam den

KHud hamin kaun se parsaon mein hain hum ko duniya se koi shikayat nahin

mujh ko malum hai aap majbur hain aap mere liye muft ruswa na hon

aise haalat mein be-ruKHi Thik hai mujh ko is baat par koi hairat nahin

kuchh ye 'iqbaal' hi par nahin munhasir sargirani musallat hai mahaul par

aql-o-danish ke baDhte hue bojh se sar uThane ki duniya ko fursat nahin