kis par poshida aur kis pe ayan hona tha

kis par poshīda aur kis pe ayaañ honā thā

kaun huuñ maiñ mujh ko is vaqt kahāñ honā thā

tum kahāñ us kunj-e-āzār meñ khoī huī ho

tum ko to mere bachche kī maañ honā thā

is se pahle kahāñ the ham kis ḳhvāb meñ the

ham donoñ ko ek safar pe ravāñ honā thā

ā.īne ko sabz kiyā merī āñkhoñ ne

mujh se hī ye kār-e-shīsha-garāñ honā thā

kis par poshida aur kis pe ayan hona tha

kaun hun main mujh ko is waqt kahan hona tha

tum kahan us kunj-e-azar mein khoi hui ho

tum ko to mere bachche ki man hona tha

is se pahle kahan the hum kis KHwab mein the

hum donon ko ek safar pe rawan hona tha

aaine ko sabz kiya meri aankhon ne

mujh se hi ye kar-e-shisha-garan hona tha