aa gaya jab se nazar wo shoKH harjai mujhe

Imam Bakhsh Nasikh

aa gaya jab se nazar wo shoKH harjai mujhe

Imam Bakhsh Nasikh

MORE BYImam Bakhsh Nasikh

    aa gayā jab se nazar vo shoḳh harjā.ī mujhe

    kū-ba-kū dar dar liye phirtī hai rusvā.ī mujhe

    kaam āshiq ko kisī aib-bīnī se nahīñ

    husn-bīnī ko ḳhudā ne hai bīnā.ī mujhe

    jaur sahtā huuñ butoñ ke nā-tavānī ke sabab

    dil uThā luuñ is qadar kab hai tavānā.ī mujhe

    jis tarah aatā hai piirī meñ javānī ḳhayāl

    vasl shab yaad roz-e-hijr meñ aa.ī mujhe

    gintī ek ik naam har gor meñ murde haiñ dafn

    bād-e-murdan bhī huī dushvār tanhā.ī mujhe

    misl-e-sāġhar bazm-e-ālam meñ maiñ kab ḳhandāñ huā

    kis liye detā hai gardish charḳh-e-mīnā.ī mujhe

    ain dānā.ī hai 'nāsiḳh' ishq meñ dīvāngī

    aap saudā.ī haiñ jo kahte haiñ saudā.ī mujhe

    aa gaya jab se nazar wo shoKH harjai mujhe

    ku-ba-ku dar dar liye phirti hai ruswai mujhe

    kaam aashiq ko kisi ki aib-bini se nahin

    husn-bini ko KHuda ne di hai binai mujhe

    jaur sahta hun buton ke na-tawani ke sabab

    dil uTha lun is qadar kab hai tawanai mujhe

    jis tarah aata hai piri mein jawani ka KHayal

    wasl ki shab yaad roz-e-hijr mein aai mujhe

    ginti ek ek nam ki har gor mein murde hain dafn

    baad-e-murdan bhi hui dushwar tanhai mujhe

    misl-e-saghar bazm-e-alam mein main kab KHandan hua

    kis liye deta hai gardish charKH-e-minai mujhe

    ain danai hai 'nasiKH' ishq mein diwangi

    aap saudai hain jo kahte hain saudai mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY