aa gaya kaun sar-e-bazm ye saqi ban ke

aa gayā kaun sar-e-bazm ye saaqī ban ke

zindagī jhuum uThī turfa sharābī ban ke

ek sangīn haqīqat hai mirā ḳhūn-e-junūñ

dāman-e-gul meñ mahaktā hai kahānī ban ke

ab to mahrūmī-e-dāmāñ nahīñ dekhī jaatī

tum baras jaao kabhī yādoñ ke motī ban ke

aaj jo shīrīñ adāoñ meñ basar hotī hai

kal yahī jaam meñ ghul jā.egī talḳhī ban ke

kū-ba-kū DhūñDhegī ik roz nigāh-e-duniyā

ham jo qurbat meñ tirī kho ga.e duurī ban ke

aa.ina jab bhī koī un ke muqābil hogā

ham utar jā.eñge aks-e-ruḳh-e-māzī ban ke

TuuT jā.eñge bahut vaqt ke shāne 'nāzim'

ham bikhar jā.eñge jab kākul-e-getī ban ke

aa gaya kaun sar-e-bazm ye saqi ban ke

zindagi jhum uThi turfa sharabi ban ke

ek sangin haqiqat hai mera KHun-e-junun

daman-e-gul mein mahakta hai kahani ban ke

ab to mahrumi-e-daman nahin dekhi jati

tum baras jao kabhi yaadon ke moti ban ke

aaj jo shirin adaon mein basar hoti hai

kal yahi jam mein ghul jaegi talKHi ban ke

ku-ba-ku DhunDhegi ek roz nigah-e-duniya

hum jo qurbat mein teri kho gae duri ban ke

aaina jab bhi koi un ke muqabil hoga

hum utar jaenge aks-e-ruKH-e-mazi ban ke

TuT jaenge bahut waqt ke shane 'nazim'

hum bikhar jaenge jab kakul-e-geti ban ke