aa ke bazm-e-hasti mein kya bataen kya paya
aa ke bazm-e-hastī meñ kyā batā.eñ kyā paayā
ham ko thā hī kyā lenā but mile ḳhudā paayā
hai maraz to jo kuchh hai thī davā to jaisī thī
chārasāz ko ham ne haañ ghaTā huā paayā
dūsroñ ko kyā kahiye dūsrī hai duniyā hī
ek ek apne ko ham ne dūsrā paayā
kam samajh meñ aate haiñ ab to us ke gul-būTe
ham ne naqsh-e-hastī ko kuchh miTā miTā paayā
baiTh kar to 'nātiq' se baat kī nahīñ ham ne
raah chalte dekhā thā kuchh chalā huā paayā
aa ke bazm-e-hasti mein kya bataen kya paya
hum ko tha hi kya lena but mile KHuda paya
hai maraz to jo kuchh hai thi dawa to jaisi thi
chaarasaz ko hum ne han ghaTa hua paya
dusron ko kya kahiye dusri hai duniya hi
ek ek apne ko hum ne dusra paya
kam samajh mein aate hain ab to us ke gul-buTe
hum ne naqsh-e-hasti ko kuchh miTa miTa paya
baiTh kar to 'natiq' se baat ki nahin hum ne
rah chalte dekha tha kuchh chala hua paya
- Deewan-e-Natiq
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
