aa ke jab KHwab tumhaare ne kaha bismillah

aa ke jab ḳhvāb tumhāre ne kahā bismillāh

dil musāfir thake-hāre ne kahā bismillāh

hijr kī raat meñ jab dard ke bistar pe girā

shab ke bahte hue dhāre ne kahā bismillāh

shaam kā vaqt thā aur naav thī sāhil ke qarīb

paañv chhūte hī kināre ne kahā bismillāh

ajnabī shahr meñ thā pahlā paḌāv merā

baam se jhuk ke sitāre ne kahā bismillāh

maut sī sardī thī jab raakh meñ Daalā thā haath

ek nanhe se sharāre ne kahā bismillāh

laḌkhaḌā.e jo zarā paañv to ik shor huā

qāfile saare ke saare ne kahā bismillāh

nā-ḳhudā chhoḌ ga.e biich bhañvar meñ to 'zafar'

ek tinke ke sahāre ne kahā bismillāh

aa ke jab KHwab tumhaare ne kaha bismillah

dil musafir thake-haare ne kaha bismillah

hijr ki raat mein jab dard ke bistar pe gira

shab ke bahte hue dhaare ne kaha bismillah

sham ka waqt tha aur naw thi sahil ke qarib

panw chhute hi kinare ne kaha bismillah

ajnabi shahr mein tha pahla paDaw mera

baam se jhuk ke sitare ne kaha bismillah

maut si sardi thi jab rakh mein Dala tha hath

ek nanhe se sharare ne kaha bismillah

laDkhaDae jo zara panw to ek shor hua

qafile sare ke sare ne kaha bismillah

na-KHuda chhoD gae bich bhanwar mein to 'zafar'

ek tinke ke sahaare ne kaha bismillah