aa ke sajjada-nashin qais hua mere baad

Munawar Khan Ghafil

aa ke sajjada-nashin qais hua mere baad

Munawar Khan Ghafil

MORE BY Munawar Khan Ghafil

    aa ke sajjāda-nashīñ qais huā mere ba.ad

    na rahī dasht meñ ḳhālī koī mere ba.ad

    miyān meñ us ne jo teġh-e-jafā mere ba.ad

    ḳhūñ-girafta koī kyā aur na thā mere ba.ad

    dostī bhī tujhe paas na aayā he he

    ne dushman se kiyā merā gilā mere ba.ad

    garm-bāzārī-e-ulfat hai mujhī se varna

    koī lene nahīñ nām-e-vafā mere ba.ad

    muñh pe le dāman-e-gul ro.eñge murġhān-e-chaman

    baaġh meñ ḳhaak uḌā.egī sabā mere ba.ad

    chaak isī ġham se garebān kiyā hai maiñ ne

    kaun kholegā tire band-e-qabā mere ba.ad

    ab to hañs hañs ke lagātā hai vo mehñdī lekin

    ḳhuun rulā degā use rañg-e-hinā mere ba.ad

    maiñ to gulzār se dil-tañg chalā ġhuncha-ravish

    mujh ko kyā phir jo koī phuul khilā mere ba.ad

    vo havā-ḳhvāh-e-chaman huuñ ki chaman meñ har sub.h

    pahle maiñ jaatā thā aur bād-e-sabā mere ba.ad

    sun ke marne ḳhabar yaar mire ghar aayā

    ya.anī maqbūl huī merī vafā mere ba.ad

    zab.h kar ke mujhe nādim ye huā vo qātil

    haath meñ phir kabhī ḳhanjar na liyā mere ba.ad

    merī zamzama-sanjī se chaman thā ābād

    kiyā sayyād ne ik ik ko rihā mere ba.ad

    aa gayā biich meñ us zulf ik maiñ nādāñ

    na huā koī giraftār-e-balā mere ba.ad

    qatl to karte ho par ḳhuub pachhtāoge

    mujh milne nahīñ ahl-e-vafā mere ba.ad

    barg-e-gul laa.ī sabā qabr pe merī na nasīm

    phir ga.ī aisī zamāne huā mere ba.ad

    gir paḌe aañkh se us bhī yakāyak aañsū

    zikr mahfil meñ jo kuchh merā huā mere ba.ad

    zer-e-shamshīr yahī soch hai maqtal meñ mujhe

    dekhiye ab kise laatī hai qazā mere ba.ad

    shart-e-yārī yahī hotī hai ki ne 'ġhāfil'

    bhuul kar bhī na mujhe yaad kiyā mere ba.ad

    aa ke sajjada-nashin qais hua mere baad

    na rahi dasht mein KHali koi ja mere baad

    miyan mein us ne jo ki tegh-e-jafa mere baad

    KHun-girafta koi kya aur na tha mere baad

    dosti ka bhi tujhe pas na aaya he he

    tu ne dushman se kiya mera gila mere baad

    garm-bazari-e-ulfat hai mujhi se warna

    koi lene ka nahin nam-e-wafa mere baad

    munh pe le daman-e-gul roenge murghan-e-chaman

    bagh mein KHak uDaegi saba mere baad

    chaak isi gham se gareban kiya hai main ne

    kaun kholega tere band-e-qaba mere baad

    ab to hans hans ke lagata hai wo mehndi lekin

    KHun rula dega use rang-e-hina mere baad

    main to gulzar se dil-tang chala ghuncha-rawish

    mujh ko kya phir jo koi phul khila mere baad

    wo hawa-KHwah-e-chaman hun ki chaman mein har subh

    pahle main jata tha aur baad-e-saba mere baad

    sun ke marne ki KHabar yar mere ghar aaya

    yani maqbul hui meri wafa mere baad

    zabh kar ke mujhe nadim ye hua wo qatil

    hath mein phir kabhi KHanjar na liya mere baad

    meri hi zamzama-sanji se chaman tha aabaad

    kiya sayyaad ne ek ek ko riha mere baad

    aa gaya bich mein us zulf ki ek main nadan

    na hua koi giraftar-e-bala mere baad

    qatl to karte ho par KHub hi pachhtaoge

    mujh sa milne ka nahin ahl-e-wafa mere baad

    barg-e-gul lai saba qabr pe meri na nasim

    phir gai aisi zamane ki hua mere baad

    gir paDe aankh se us ki bhi yakayak aansu

    zikr mahfil mein jo kuchh mera hua mere baad

    zer-e-shamshir yahi soch hai maqtal mein mujhe

    dekhiye ab kise lati hai qaza mere baad

    shart-e-yari yahi hoti hai ki tu ne 'ghafil'

    bhul kar bhi na mujhe yaad kiya mere baad

    Videos
    This video is playing from YouTube

    Videos
    This video is playing from YouTube

    Abida Parveen

    Abida Parveen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY