aaankhon mein be-ruKHi nahin dil mein kashidgi nahin

ā.ankhoñ meñ be-ruḳhī nahīñ dil meñ kashīdgī nahīñ

phir bhī jo dekhiye to ab pahlī sī dostī nahīñ

rasm-e-vafā kā iltizām ahd-e-vafā kā ehtirām

sheva-e-āshiqī to hai fitrat-e-āshiqī nahīñ

ham se shikāyateñ bajā ham ko bhī hai magar gila

pahle se ham nahīñ agar pahle se aap bhī nahīñ

bazm-e-tarab meñ dosto dekh rahā huuñ maiñ yahī

raqs meñ aadmī to haiñ raqs meñ zindagī nahīñ

manzil-o-rāh meñ kabhī itnā to fāsla na thā

rāhbaro ḳhatā-muāf ye koī rāhbarī nahīñ

ilm-o-hunar ke faiz se ilm-o-hunar ke bāvajūd

mahfil-e-zīst meñ 'nazīr' rañg hai raushnī nahīñ

aaankhon mein be-ruKHi nahin dil mein kashidgi nahin

phir bhi jo dekhiye to ab pahli si dosti nahin

rasm-e-wafa ka iltizam ahd-e-wafa ka ehtiram

shewa-e-ashiqi to hai fitrat-e-ashiqi nahin

hum se shikayaten baja hum ko bhi hai magar gila

pahle se hum nahin agar pahle se aap bhi nahin

bazm-e-tarab mein dosto dekh raha hun main yahi

raqs mein aadmi to hain raqs mein zindagi nahin

manzil-o-rah mein kabhi itna to fasla na tha

rahbaro KHata-muaf ye koi rahbari nahin

ilm-o-hunar ke faiz se ilm-o-hunar ke bawajud

mahfil-e-zist mein 'nazir' rang hai raushni nahin