aadmi tum ho devta tum ho

aadmī tum ho devtā tum ho

nā-ḳhudā tum ho aur ḳhudā tum ho

mil ga.e tum to aur kyā māñgūñ

zindagī tum ho aur qazā tum ho

be-zabānī hai kyā zabāñ kyā hai

ḳhāmushī tum ho aur sadā tum ho

tum ko paayā to pā gayā duniyā

bā-vafā tum ho bevafā tum ho

ham tumheñ chhoḌ kar kahāñ jaa.eñ

ibtidā tum ho intihā tum ho

'shād' kā chain bhī qarār tumhīñ

niiñd bhī tum hī rat-jagā tum ho

aadmi tum ho dewta tum ho

na-KHuda tum ho aur KHuda tum ho

mil gae tum to aur kya mangun

zindagi tum ho aur qaza tum ho

be-zabani hai kya zaban kya hai

KHamushi tum ho aur sada tum ho

tum ko paya to pa gaya duniya

ba-wafa tum ho bewafa tum ho

hum tumhein chhoD kar kahan jaen

ibtida tum ho intiha tum ho

'shad' ka chain bhi qarar tumhin

nind bhi tum hi rat-jaga tum ho