aaen aansu agar aankhon mein to bas pi jaen

aa.eñ aañsū agar āñkhoñ meñ to bas pī jaa.eñ

haal sab pūchhte haiñ ham na kahīñ bhī jaa.eñ

dekhte ho jo kabhī mahv-e-suḳhan ḳhud se hameñ

haiñ vo bāteñ bhī ki ḳhud se jo faqat kī jaa.eñ

ham ka.ī roz se be-vaj.h bahut ḳhush haiñ chalo

zindagī kī ye adā.eñ bhī to dekhī jaa.eñ

ham to yuuñ chup haiñ ki kyā baat kisī se kī jaa.e

phir bhī muñh se ka.ī bāteñ to nikal hī jaa.eñ

raah chalte maiñ jise dekhtā huuñ lagtā hai

jaise be-vaj.h sī āñkheñ haiñ ki taktī jaa.eñ

kyā mileñ 'talḳh' kisī se kabhī aate jaate

ghar kī chaukhaT pe qadam rakh ke palaT bhī jaa.eñ

aaen aansu agar aankhon mein to bas pi jaen

haal sab puchhte hain hum na kahin bhi jaen

dekhte ho jo kabhi mahw-e-suKHan KHud se hamein

hain wo baaten bhi ki KHud se jo faqat ki jaen

hum kai roz se be-wajh bahut KHush hain chalo

zindagi ki ye adaen bhi to dekhi jaen

hum to yun chup hain ki kya baat kisi se ki jae

phir bhi munh se kai baaten to nikal hi jaen

rah chalte main jise dekhta hun lagta hai

jaise be-wajh si aankhen hain ki takti jaen

kya milen 'talKH' kisi se kabhi aate jate

ghar ki chaukhaT pe qadam rakh ke palaT bhi jaen