aafiyat zulm se aur pyar qaza se manga

āfiyat zulm se aur pyaar qazā se māñgā

ham ne insāf bhī arbab-e-jafā se māñgā

kar diyā ḳhuld ke har khet se be-daḳhl hameñ

hissa jab dāna-e-gandum meñ ḳhudā se māñgā

jab jhaTak kar uThe ham niiñd se bojhal sapne

tāzgī sub.h se lī saañs sabā se māñgā

nuur jab chāhā kiyā apne hī māthe se tulūa

saayā māñgā to tirī zulf-e-dotā se māñgā

vo bhaTaktā rahā manzil ke qarīb āvāra

jis ne manzil kā patā rāh-numā se māñgā

haq-o-nāhaq kī laḌā.ī kī savāneh hai gavāh

bhiik meñ rahm usī mun.im ne gadā se māñgā

vo mirā nutq hī de de to ġhanīmat 'shaukat'

lahn-e-dā.ūd nahīñ naġhma-sarā se māñgā

aafiyat zulm se aur pyar qaza se manga

hum ne insaf bhi arbab-e-jafa se manga

kar diya KHuld ke har khet se be-daKHl hamein

hissa jab dana-e-gandum mein KHuda se manga

jab jhaTak kar uThe hum nind se bojhal sapne

tazgi subh se li sans saba se manga

nur jab chaha kiya apne hi mathe se tulua

saya manga to teri zulf-e-dota se manga

wo bhaTakta raha manzil ke qarib aawara

jis ne manzil ka pata rah-numa se manga

haq-o-nahaq ki laDai ki sawaneh hai gawah

bhik mein rahm usi munim ne gada se manga

wo mera nutq hi de de to ghanimat 'shaukat'

lahn-e-daud nahin naghma-sara se manga