aag ke safar mein jab rakh ka badan hoga

aag ke safar meñ jab raakh kā badan hogā

ek saañs lenā bhī zindagī kā fan hogā

jo bhī maiñ ne sochā thā vo hī ab ke likkhā hai

tang aur bhī ab ke halqa-e-rasan hogā

manzileñ bhī nā-mā'lūm rāste bhī lā-mahdūd

ye safar bhī lagtā hai bā'is-e-thakan hogā

us ne merī shāḳhoñ ko is tarah numū baḳhshī

zaḳhm ke khileñge phuul dard kā chaman hogā

ham ko phir zamāne tak log yaad rakkheñge

sar ki hogā neze par jism be-kafan hogā

sīna-e-mohabbat meñ dard jab nahīñ hotā

saaz be-sure hoñge she'r be-vazan hogā

aag ke safar mein jab rakh ka badan hoga

ek sans lena bhi zindagi ka fan hoga

jo bhi main ne socha tha wo hi ab ke likkha hai

tang aur bhi ab ke halqa-e-rasan hoga

manzilen bhi na-ma'lum raste bhi la-mahdud

ye safar bhi lagta hai ba'is-e-thakan hoga

us ne meri shaKHon ko is tarah numu baKHshi

zaKHm ke khilenge phul dard ka chaman hoga

hum ko phir zamane tak log yaad rakkhenge

sar ki hoga neze par jism be-kafan hoga

sina-e-mohabbat mein dard jab nahin hota

saz be-sure honge she'r be-wazan hoga