aaghaz hua hai ulfat ka ab dekhiye kya kya hona hai

āġhāz huā hai ulfat kā ab dekhiye kyā kyā honā hai

yā saarī umr kī rāhat hai yā saarī umr kā ronā hai

shāyad thā bayāz-e-shab meñ kahīñ iksīr kā nusḳha bhī koī

ai sub.h ye terī jholī hai yā duniyā bhar kā sonā hai

tadbīr ke hāthoñ se goyā taqdīr kā parda uThtā hai

yā kuchh bhī nahīñ yā sab kuchh hai yā miTī hai yā sonā hai

TuuTe jo ye band-e-hayāt kahīñ is shor-o-shar se najāt mile

maanā ki vo duniyā ai 'afsar' sirf ek lahad kā konā hai

aaghaz hua hai ulfat ka ab dekhiye kya kya hona hai

ya sari umr ki rahat hai ya sari umr ka rona hai

shayad tha bayaz-e-shab mein kahin iksir ka nusKHa bhi koi

ai subh ye teri jholi hai ya duniya bhar ka sona hai

tadbir ke hathon se goya taqdir ka parda uThta hai

ya kuchh bhi nahin ya sab kuchh hai ya miTi hai ya sona hai

TuTe jo ye band-e-hayat kahin is shor-o-shar se najat mile

mana ki wo duniya ai 'afsar' sirf ek lahad ka kona hai