aagahi aaine talak hai kya
āgahī aa.ine talak hai kyā
ḳhud ke hone meñ koī shak hai kyā
qarya qarya bhaTak rahe haiñ log
sab ko andhā kiye chamak hai kyā
muñh pe aatī haiñ an-kahī bāteñ
dil meñ baaqī abhī kasak hai kyā
andar andar se hil rahā huuñ maiñ
hotī mahsūs kuchh dhamak hai kyā
tum jo āñkhoñ ko band rakhte ho
dekh lī us kī ik jhalak hai kyā
kyuuñ nigāhoñ meñ haiñ mirī sab rañg
mere pesh-e-nazar dhanak hai kyā
hai uḌānoñ kā silsila har-sū
ab zamīñ kī tarah falak hai kyā
koī manzar bhī ab nahīñ bhātā
mustaqil aañkh meñ khaTak hai kyā
un ko aatī hai kyuuñ hayā 'rāhat'
pairahan sirf jism tak hai kyā
aagahi aaine talak hai kya
KHud ke hone mein koi shak hai kya
qarya qarya bhaTak rahe hain log
sab ko andha kiye chamak hai kya
munh pe aati hain an-kahi baaten
dil mein baqi abhi kasak hai kya
andar andar se hil raha hun main
hoti mahsus kuchh dhamak hai kya
tum jo aankhon ko band rakhte ho
dekh li us ki ek jhalak hai kya
kyun nigahon mein hain meri sab rang
mere pesh-e-nazar dhanak hai kya
hai uDanon ka silsila har-su
ab zamin ki tarah falak hai kya
koi manzar bhi ab nahin bhata
mustaqil aankh mein khaTak hai kya
un ko aati hai kyun haya 'rahat'
pairahan sirf jism tak hai kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
