aagahi aur aagahi dijiye aagahi kuchh aur

āgahī aur āgahī dījiye āgahī kuchh aur

tīrgī ghor ghor hai pheñkiye raushnī kuchh aur

is kā ḳhudā sanam sanam us kā ḳhudā haram haram

ishq kī gumrahī kuchh aur aql kī gumrahī kuchh aur

us kī tahī hai jeb aur is kā dimāġh hai tahī

us kī hai muflisī kuchh aur is kī hai muflisī kuchh aur

naaz tirā chaman chaman raaz tirā dahan dahan

kahtī hai tīrgī kuchh aur kahtī hai raushnī kuchh aur

kahtī hai dopahar kī dhuup merā mizāj garm hai

lekin ujālī raat meñ kahtī hai chāñdnī kuchh aur

bad hai koī na nek hai donoñ kā maqsad ek hai

garche hai rahzanī kuchh aur garche hai rahbarī kuchh aur

garche ḳhudā ko aap ne māh-e-laqā banā diyā

us ke firāq meñ 'jamīl' kījiye shā.erī kuchh aur

aagahi aur aagahi dijiye aagahi kuchh aur

tirgi ghor ghor hai phenkiye raushni kuchh aur

is ka KHuda sanam sanam us ka KHuda haram haram

ishq ki gumrahi kuchh aur aql ki gumrahi kuchh aur

us ki tahi hai jeb aur is ka dimagh hai tahi

us ki hai muflisi kuchh aur is ki hai muflisi kuchh aur

naz tera chaman chaman raaz tera dahan dahan

kahti hai tirgi kuchh aur kahti hai raushni kuchh aur

kahti hai dopahar ki dhup mera mizaj garm hai

lekin ujali raat mein kahti hai chandni kuchh aur

bad hai koi na nek hai donon ka maqsad ek hai

garche hai rahzani kuchh aur garche hai rahbari kuchh aur

garche KHuda ko aap ne mah-e-laqa bana diya

us ke firaq mein 'jamil' kijiye shaeri kuchh aur