aagahi kab yahan palkon pe sahi jati hai

āgahī kab yahāñ palkoñ pe sahī jaatī hai

baat ye shiddat-e-girya se kahī jaatī hai

ham use anfus o āfāq se rakhte haiñ pare

shaam koī jo tire ġham se tahī jaatī hai

ik zarā Thahr abhī mohlat-e-benām-o-nishāñ

darmiyāñ baat koī ham se rahī jaatī hai

garmī-e-shauq se pighlī tire dīdār kī lau

tez ho kar marī āñkhoñ se bahī jaatī hai

shāḳh-e-nāzuk se dam-e-tez havā-e-furqat

nā-tavānī kahāñ pattoñ kī sahī jaatī hai

harf-e-inkār likhā jis pe havā ne kal tak

rahguzar dil kī taraf aaj vahī jaatī hai

jaa.e jaatī nahīñ zulmat magar aksar 'mohsin'

ik diyā us kī taraf ho to yahī jaatī hai

aagahi kab yahan palkon pe sahi jati hai

baat ye shiddat-e-girya se kahi jati hai

hum use anfus o aafaq se rakhte hain pare

sham koi jo tere gham se tahi jati hai

ek zara Thahr abhi mohlat-e-benam-o-nishan

darmiyan baat koi hum se rahi jati hai

garmi-e-shauq se pighli tere didar ki lau

tez ho kar mari aankhon se bahi jati hai

shaKH-e-nazuk se dam-e-tez hawa-e-furqat

na-tawani kahan patton ki sahi jati hai

harf-e-inkar likha jis pe hawa ne kal tak

rahguzar dil ki taraf aaj wahi jati hai

jae jati nahin zulmat magar aksar 'mohsin'

ek diya us ki taraf ho to yahi jati hai