aagahi ke dar khule to zindagi achchhi lagi
Interesting Fact
2002
āgahī ke dar khule to zindagī achchhī lagī
ham-damoñ kī bhiiḌ meñ begāngī achchhī lagī
shahr ke har moḌ par āvāz ke jañgal mile
ham ko apne gaañv hī kī ḳhāmushī achchhī lagī
yuuñ to ham dete rahe tere savāloñ kā javāb
haañ magar ai dost terī sādgī achchhī lagī
tajziya hālāt kā ham har tarah karte rahe
jab samajh aajiz huī be-mā.egī achchhī lagī
vāqif-e-ādāb-e-mai-ḳhāna huā to 'nūr' ko
mai-kashī ke bil-muqābil tishnagī achchhī lagī
aagahi ke dar khule to zindagi achchhi lagi
ham-damon ki bhiD mein begangi achchhi lagi
shahr ke har moD par aawaz ke jangal mile
hum ko apne ganw hi ki KHamushi achchhi lagi
yun to hum dete rahe tere sawalon ka jawab
han magar ai dost teri sadgi achchhi lagi
tajziya haalat ka hum har tarah karte rahe
jab samajh aajiz hui be-maegi achchhi lagi
waqif-e-adab-e-mai-KHana hua to 'nur' ko
mai-kashi ke bil-muqabil tishnagi achchhi lagi
- Book : Shahar Ki Faseelon Se (Pg. 34)
- Author : Noor Muneeri
- Publication : Khan Publications (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
