aaghosh-e-tasawwur mein jab maine use maska

āġhosh-e-tasavvur meñ jab maiñ ne use maskā

lab-hā-e-mubārak se ik shor thā ''bas bas'' kā

sau baar harīr us kā maskā nigah-e-gul se

shabnam se kab ai bulbul pairāhan-e-gul maskā

us tan ko nahīñ tāqat shabnam ke talabbus se

ai dast-e-havas is par tū qasd na kar mas kā

maltī hai parī āñkheñ aur huur jabīñ sā hai

hai naqsh-e-jahāñ yaaro us pā-e-muqaddas kā

tar rakhiyo sadā yā-rab tū is mizha-e-tar ko

ham itr lagāte haiñ garmī meñ isī ḳhas kā

is girya-e-ḳhūnīñ kī daulat se 'nazīr' apne

ab kalba-e-ahzāñ meñ kul farsh hai atlas kā

aaghosh-e-tasawwur mein jab main ne use maska

lab-ha-e-mubarak se ek shor tha bas bas ka

sau bar harir us ka maska nigah-e-gul se

shabnam se kab ai bulbul pairahan-e-gul maska

us tan ko nahin taqat shabnam ke talabbus se

ai dast-e-hawas is par tu qasd na kar mas ka

malti hai pari aankhen aur hur jabin sa hai

hai naqsh-e-jahan yaro us pa-e-muqaddas ka

tar rakhiyo sada ya-rab tu is mizha-e-tar ko

hum itr lagate hain garmi mein isi KHas ka

is girya-e-KHunin ki daulat se 'nazir' apne

ab kalba-e-ahzan mein kul farsh hai atlas ka