aah be-gana-e-asar to nahin

aah be-gāna-e-asar to nahīñ

vo bhī ab mujh se be-ḳhabar to nahīñ

suunī suunī paḌī hai bazm-e-jamāl

muntazir sab haiñ muntazar to nahīñ

rāste kar rahe haiñ sargoshī

jazba pāband-e-rāhbar to nahīñ

kaaT deñ ik umīd-e-fardā par

zindagī itnī muḳhtasar to nahīñ

sirf gard-e-safar hai ai yaaro

kahkashāñ un kī rahguzar to nahīñ

jaane kab TuuT jaa.e tār-e-nafas

rishta-e-umr mo'atabar to nahīñ

ai 'hayāt' ā.īna hoñ kyā jalve

sab yahāñ sāhab-nazar to nahīñ

aah be-gana-e-asar to nahin

wo bhi ab mujh se be-KHabar to nahin

suni suni paDi hai bazm-e-jamal

muntazir sab hain muntazar to nahin

raste kar rahe hain sargoshi

jazba paband-e-rahbar to nahin

kaT den ek umid-e-farda par

zindagi itni muKHtasar to nahin

sirf gard-e-safar hai ai yaro

kahkashan un ki rahguzar to nahin

jaane kab TuT jae tar-e-nafas

rishta-e-umr mo'atabar to nahin

ai 'hayat' aaina hon kya jalwe

sab yahan sahab-nazar to nahin