aah ko baad-e-saba dard ko KHushbu likhna

aah ko bād-e-sabā dard ko ḳhushbū likhnā

hai bajā zaḳhm-e-badan ko gul-e-ḳhud-rū likhnā

dard bhīgī huī rātoñ meñ chamak uTThā hai

ham ko likhnā hai to barsāt kā jugnū likhnā

ḳhvāb Takrā ke haqā.eq se hue sad-pāra

ab inheñ aañkh se Dhalke hue aañsū likhnā

tū ne sulatānī-e-jamhūr badal diiñ qadreñ

aaj farhād ko mushkil nahīñ ḳhusrav likhnā

ab munāsib nahīñ ham-asr ġhazal ko yaaro

kisī bajtī huī pāzeb kā ghuñghrū likhnā

hunar-afshāni-e-ḳhāma ko duā do ki 'fazā'

lafz ko sahl huā nāfa-e-āhū likhnā

aah ko baad-e-saba dard ko KHushbu likhna

hai baja zaKHm-e-badan ko gul-e-KHud-ru likhna

dard bhigi hui raaton mein chamak uTTha hai

hum ko likhna hai to barsat ka jugnu likhna

KHwab Takra ke haqaeq se hue sad-para

ab inhen aankh se Dhalke hue aansu likhna

tu ne sulatani-e-jamhur badal din qadren

aaj farhad ko mushkil nahin KHusraw likhna

ab munasib nahin ham-asr ghazal ko yaro

kisi bajti hui pazeb ka ghunghru likhna

hunar-afshani-e-KHama ko dua do ki 'faza'

lafz ko sahl hua nafa-e-ahu likhna